「家鄉煎蓮藕餅」把蓮藕刨絲、手剁梅頭肉、再混合蝦米🍤、冬菇、臘腸粒、芫茜同蔥花，用細火煎至金黃香脆，係一道買少見少的手工菜。
喺街外好多食肆都偷雞用鯪魚肉同藕片代替，好少肯跟隨古法去做，唯獨自家製作便可以了。😋😋（食譜如下，謝謝😊😊）
「家鄉煎年藕餅」
材料A：-
乾蔥(切碎）......................1粒
年藕(刨絲）.......................280g
蝦米(浸軟切碎）................35g
冬菇(浸軟切碎）................5-6隻
臘腸(切碎）.......................1條
材料B:-
梅頭肉(剁碎）...................170g
芫茜(切碎）.......................2棵
蔥花...................................1棵
糖................1/2茶匙
鹽................1/2茶匙
胡椒粉.........1/2茶匙
生抽.............1茶匙
生粉.............1.5茶匙
做法：-
1. 鍋內放入油，燒熱後，下材料A爆香，盛起放涼備用。
2. 把已放涼之材料A與材料B混合拌勻後，用手把肉醬塑做出喜愛大小的藕餅。
3. 鍋內放入油，燒熱後，中小火煎藕餅至金黃熟透。
小貼士：-
臘腸可先行蒸數分鐘，這樣更容易切碎。
Search